1. مونتير
2. دليل أصحاب المحلات

الصورة

الإعلان

من صورة وحدة وسطرين وصف إلى إعلان كامل بصوت عراقي.

ليش إعلان فيديو بدل صورة؟

الصورة الثابتة بالانستغرام والتيك توك تنعبر بثانية. الفيديو اللي يبدي بسؤال أو سعر واضح، ويحچي بصوت قريب من الزبون، يوقف الإصبع ويخلي الناس تسأل وتطلب. المشكلة إن التصوير والمونتاج والتعليق الصوتي تاخذ وقت وفلوس، خصوصاً إذا عندك منتجات هواية.

شلون تسوي إعلان فيديو لمنتجك من صورة، خطوة بخطوة

1. صوّر المنتج بموبايلك بإضاءة النهار، صورة وحدة تكفي وإذا عندك أكثر من زاوية أحسن.
2. اكتب عنه سطرين وسعره: شنو هو، شنو يميّزه، وكم سعره. بكلامك العادي.
3. راجع السكربت: مونتير يكتب سكربت إعلان باللهجة العراقية. عدّل أي جملة تريدها.
4. اختار الصوت: ٧ أصوات طبيعية (رجال ونساء)، وأسلوب هادئ أو حماسي. تكدر تسمع كل صوت قبل ما تختار.
5. استلم الإعلان: فيديو عمودي جاهز بالترجمة والموسيقى وبطاقة السعر، وبنهايته شعار محلك ورقم الطلب، ويّا نص منشور وهاشتاغات.

مشاهد متحركة بالذكاء الاصطناعي (اختيارية)

إذا تريد الإعلان يكون أقوى، مونتير يكدر يطلّع منتجك بمشاهد متحركة حقيقية تناسب نوعه: الأكل ببخاره، والعطر برشّته، وسجادة الصلاة بضوء الصبح. هذي المشاهد إلها رصيد خاص: باقة الاحترافي فيها ٣ إعلانات شهرياً، والأعمال ١٢، وتكدر تشتري حزمة منفصلة: ٥ إعلانات بـ ٢٥٬٠٠٠ دينار أو ١٥ إعلانات بـ ٦٠٬٠٠٠ دينار.

نصائح لصورة تطلع إعلان حلو

• خلفية بسيطة وواضحة، والمنتج بالنص.
• ضوء الشباك أحسن من ضوء الغرفة الأصفر.
• اكتب السعر الحقيقي والعرض إذا موجود، لأن السعر الواضح يجيب طلبات أكثر.
• اكتب ميزة وحدة قوية بدل قائمة طويلة.

كم يكلّف؟

الإعلان العادي (صورة + صوت + ترجمة) ينحسب من دقائق باقتك مثل أي فيديو. الاشتراك يبدي من ١٥٬٠٠٠ دينار شهرياً، وتكدر تجرّب أول: ٣ فيديوهات مجاناً (كل واحد لحد ٩٠ ثانية) خلال ٧ أيام، بدون بطاقة دفع.

أسئلة شائعة